آخرین مطالب
امکانات وب
ای ماه صیامی بیزه احسان ائدن الله
خوان کرمه بنده نی مهمان ائدن الله
ای ماه مبارکده آچان سفره ی احسان
اوز دعوتین انسانلارا احسان ائدن الله
بو آیدا بیزه لطف ائله توفیق عبادت
ای یوسفه ماهینی نگهبان ائدن الله
بو صوم و صلاتی صلواتی حَسَناتی
ردّ ایلمه ای مشکلی آسان ائدن الله
هر یرده مریض اولسا شفا وئر اوز اَلونله
ای دردلی لرین دردینه درمان ائدن الله
ای یوسفی آزاد ائلین بند بلادن
زنجیرین آچوب مصرده سلطان ائدن الله
هر حاجتِ شرعیّه لری ایله برآورد
سنسن هامی نُقصانلارا جبران ائدن الله
ای حضرت یعقوبی ائدن غصّه دن آزاد
گمگشته سینی وارد کنعان ائدن الله
اوز رحمت آیوندان بیزی گل ائتمه پشیمان
ای آتش نمرودی گلستان ائدن الله
یاغدیر بیزه رحمت یاغیشین ابر سخادن
ای شبنمیله غنچه نی خندان ائدن الله
قاپلار آچیلوب بو گیجه لر نام حسینه
مقبول ائلدی گوزلری گریان ائدن الله
عفو ایله «کریمی» ده اولان جرم و گناهی
ای حُرّی خطاسینده پشیمان ائدن الله
از:کریمی مراغه ای
موضوعات مرتبط: کریمی مراغه ای دیلیم هارالیدی اورالیام من...
برچسب : نویسنده : ali-alish بازدید : 8